Ilham toxti: «térrorchiliqning shinjangda baziri yoq, u uyghurlarni basturushning bahanisi»

Ilham toxti: «térrorchiliqning shinjangda baziri yoq, u uyghurlarni basturushning bahanisi»

Muxbirimiz shöhret hoshur
2011-08-08

Merkizi milletler uniwérsitétining dotsénti ilham toxti ependi gérmaniye awazi qatarliq chetel axbaratlirining ziyaritini qobul qilip, xoten hem qeshqerde yüz bergen weqelerni uyghurlarning rayonda yürgüzülüwatqan tengsiz siyasietke qarshi naraziliq herikiti dep chüshendürdi.

Uyghur rayonining partkom sékrétari jang chünshen hem xitay jamaet xewpsizlik ministiri ming jenjun xoten we qeshqerdiki weqelerni «islam térrorchiliri peyda qildi» dégen idi.

Ilham toxti bu sözlerni qetiy pozitsiyide ret qilip, weqelerning sewebini adaletsiz siyaset we uninggha qarita naraziliq dep körsetti.

Ilham toxti yene xitay hökümitining weqeni mejburiy halda térrorluq bilen baghlap, uyghurlargha qarita yene bir qétim basturush herikiti élip bériwatqanliqini tenqidlidi.

U bu nuqtida mundaq dédi. «Térrorchiliqning shinjangda baziri yoq. Radikal islammu héchqachan uyghurlardiki asasi éqim bolalmaydu, bularning hemmisi uyghurlarni basturush üchün déyilgen bahane.»

Radiomiz igiligen uchurlardin melum bolushiche, ilham toxti ependi bu yil yazliq tetil mezgilide, ana diyarigha tughqan yoqlash üchün barghan. Uning tughqan yoqlash ziyariti, béyjingdiki dölet bixeterlik xadimlirining nazariti astida dawam qilghan.

Gérmaniye awazining bildürüshiche, xoten we qeshqerdiki her ikki weqe ilham toxtining del shu jaylarni ziyaret qilghan künige toghra kelgen.

Copyright © 1998-2011 Radio Free Asia.  All rights reserved.

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s