Ilham toxti ikki yighin mezgilide söz ‏-Heriketlirige cheklime qoyulghanliqini bildürdi

 

Ilham toxti ikki yighin mezgilide söz ‏-Heriketlirige cheklime qoyulghanliqini bildürdi

Muxbirimiz méhriban
2012-03-13

Uzun bir mezgil chetel metbuatlirining ziyaritini qobul qilmighan ilham toxti ependi, 13-Mart küni radiomiz ziyaritini qobul qilip, özining yéqinqi bir nechche ay ichide, bolupmu ötken hepte béyjingda échilghan ikki yighin mezgilide söz-Heriketlirige cheklime qoyulup, béyjing shehiridin ayrilishqa ruxset qilinmighanliqini hem öyidiki intérnét alaqisining bir hepte üzüp qoyulup, yighin ayaghlashqandin kéyin yeni 13-Mart küni eslige kelgenlikini bildürdi.

Radiomiz igiligen bashqa uchurlardin melum bolushiche, bu qétim ikki yighin échilishtin ilgiri béyjing saqchiliri hem dölet bixeterlik xadimliri ilham toxti ependining öyige kélip uni yighin mezgilide chetel metbuatlirining ziyaritini qobul qilmasliqqa agahlandurghan. Undin bashqa ilham toxti bilen munasiwiti birqeder yéqin bolghan, béyjingdiki oqughuchiliri hem bir qisim yashlar xitay dölet bixeterlik idarisi teripidin ilham toxti bilen bolghan munasiwette diqqet qilishqa agahlandurulghan.

Béyjing milletler uniwérsitétining iqtisad penliri dotsénti ilham toxti ependi, özining uyghurlar heqqide élip barghan tekshürüshliri hem chetel metbuatlirining ziyaritini qobul qilip, uyghur weziyiti heqqide bildürgen qarashliri seweblik, xitay dairiliri teripidin sezgür shexs süpitide muamile qilinip kéliniwatqan idi. 2009-Yili yüz bergen 5-Iyul ürümchi weqesidin kéyin bolsa dairiler teripidin weqede qutratquluq qildi dep eyiblinip, birnechche qétim nezerbend qilinghan idi.

Copyright © 1998-2011 Radio Free Asia.  All rights reserved.

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s