Ilham toxti: ‘ uyghurlar qanuniy oyghinish herikiti élip bérishi kérek’

Fransiyide ziyarette boluwatqan uyghur ziyaliysi musteqil tetqiqatchi ilham toxti, fransiyidiki milletler mesilisi bilen xitaydiki milletler mesilisini sélishturup, her ikki döletning qanunida milletler barawerlikining qoghdalghanliqini, emma ijra qilishta bolsa bu barawerlikning fransiyide emeliyleshkenliki, xitayda emeliyleshmigenlikini, bolupmu uyghur rayonida milliy mesilining éghirliqini bildürdi.

Ilham toxti uyghurlarning qanuniy hoquqining depsende bolushini, biri birqisim emeldarlarning qanunni toghra ijra qilmighanliqi, yene biri bolsa, uyghurlarning özlirining qanuniy hoquqini telep qilishta ajizliq qilghanliqidin ibaret ikki chong sewep barliqini bildürdi. U sözide uyghur ziyaliylirigha, uyghurlar arisida qanun éngini östürüsh we qanuniy oyghinish herikiti qozghash teshebbusini otturigha qoydi.

Hörmetlik oqurmenler, ilham toxti uyghur élining atush shehride tughulup ösken. Iqtisad we qanun penliri boyiche xitay, pakistan we qazaqistan qatarliq ellerde ilim temsil qilghan. Nöwette merkizi milletler uniwérsitétning oqutquchisi.

Ilham toxtining qarishiche, nöwette xitay jemiyitidiki eng chong mesililerdin biri milletler mesilisidur. Milletler ara dostluq xitay hakimiyitide yashawatqan barliq milletlerning menpeetige uyghun. Emma bu ittipaqliqning aldinqi sherti milletlerning barawerliki, barawerlik bolghanda qeghez yüzidiki barawerlik emes emeliy hayattiki barawerliktur.

Ilham toxtining bu heqtiki qarashlirini kéyinki qétimliq programmilirimizda dawamliq tonushturimiz.

Yuqiridiki awaz ulinishidin, ilham toxti bilen bu heqte ötküzgen söhbitimizning tepsilatini anglaysiler.

ulinish:http://www.rfa.org/uyghur/xewerler/tepsili_xewer/ilham-tohti-fransiyide-02282009013848.html/story_main?searchterm=ilham+tohti&encoding=latin

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s