Musteqil tetqiqatchi ilham toxti fransiye hökümitining teklipige binaen fransiyide ziyarette

Béyjingdiki merkizi milletler uniwérsitétining oqutquchisi, ” uyghur biz ” torbétining sahibi, musteqil tetqiqatchi ilham toxti, fransiye tashqi ishlar ministirlikining teklipige binaen fransiyini ziyaret qilmaqta. Ziyaret mushu ayning 22 ‏ – Künidin 1‏ – Martqa qeder dawamlishidu.

Image

Ilham toxti bu ziyaritide asasliqi, fransiyidiki köchmen milletlerning siyasiy, iqtisadiy we ijtimaiy orni heqqide we fransiyining milletler mesilisini qandaq bir terep qilghanliqi heqqide közitish élip baridu.

Ilham toxtining uyghur jemiyitining ijtimaiy mesililiri heqqidiki tetqiqat we uyghurlarning heq – Hoquqi üstidiki bir qisim paaliyetliri béyjingdiki yawropa ittipaqi wakaletxanisining diqqitini tartqan.

Buning bilen yawropa ittipaqigha eza döletlerning béyjingdiki elchixaniliri ilham toxtini ötken bir yil ichide jemiy 8 qétim léksiye sözleshke teklip qilghan. Ilham toxti léksiyiside, uyghur rayonining omumi ehwali we mesililiri heqqide ilmiy doklat bergen.

Fransiye tashqi ishlar ministirliki, özining munewwer mutexessislerni ziyaretke teklip qilish programmisi boyiche, musteqil tetqiqatchi ilham toxtini fransiyige bir heptilik ziyaretke teklip qilghan.

Hörmetlik oqurmenler, yéqinqi 10 – 20 Yil ichide meyli uyghur ziyaliyliri we meyli uyghur kadirliri ichide bolsun, chetelge ziyaretke chiqip we ziyarettin kéyin xitaygha qaytip kétish ehwalida turup, xitay hakimiyitining xataliqlirini we uyghur xelqining mesililirini ashkara bayan qilish jasariti belkim bügün tunji qétim körülüwatsa kérek.

Ilham toxtining bu heqqaniy pozitsiyisi üchün uning xitaygha qaytqanda qandaq muamilige uchraydighanliqi éniq emes. Emma u qanuniy heq – Hoquq mesiliside rast gep qilishning hem junggoning dölet menpeeti hem uyghurlarning milliy menpeeti üchün paydiliq ikenlikini bayan qilmaqta.

Biz buningdin kéyinki programmilirimizda, mutexessis ilham toxtining, uyghur élining siyasiy, iqtisadiy, ijtimaiy weziyiti heqqidiki tenqidi qarashlirini silerge sunimiz.

Yuqiridiki awaz ulinishidin, muxbirimiz shöhret hoshurning mezkur ziyaret heqqide tetqiqatchi ilham toxti bilen ötküzgen söhbet xatirisining tepsilatini anglaysiler.

ulinish:http://www.rfa.org/uyghur/xewerler/tepsili_xewer/ilham-tohti-fransiyide-02272009005353.html/story_main?searchterm=ilham+tohti&encoding=latin

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s