Uyghurbiz tor béti yene taqiwétildi

Weten ichi – Sirtida zor qiziqish qozghighan uyghurbiz tor béti bügün etigen namelum sewep bilen taqiwétildi.

Torbet taqilishtin bir hepte awwal mezkur torbetning sahibi, musteqil tetqiqatchi, dotsént ilham toxti fransiyede ziyarette bolghan, ziyaret dawamida uyghur élining siyasiy iqtisadiy we ijtimaiy weziyiti heqqide tenqidiy pikirlirini bayan qilghan idi.

Ilham toxti fransiye ziyaritini axirlashturup, béyjinggha qaytishtin bir kün awwal, radiyomizda pikir bayan qilip, uyghur aptonum rayonining reisi nur bekrining, uyghur élida muqimliqni heddidin ziyade tekitlep uyghur xelqining iqtisadiy turmushi bilen kari bolmghanliqini tenqid qilghan idi. U sözide yene döletning birliki we milletler ittipaqliqini qollaydighanliqi, emma milliy kemsitishke süküt qilmaydighanliqini bildürgen idi.

Dotsént ilham toxtining radiomiz muxbiri bilen ötküzgen 3 qisimliq söhbet xatirisi, uyghurbiz torida düshenbe künidin bashlap élan qilinghan idi.

Toluqsiz melumatlardin, nöwette ilham toxtining normal xizmet ishlewatqanliqi we torbetning hichqandaq qanuniy resmiyet körsitilmestin taqiwétilgenliki melum؛ emma, uning torbet taqilish jeryanda soraq qilinghanliqi we yaki taqash heqqide uqturush tapshuruwalghanliqi melum emes.

Mezkur torbet bundin burunmu birqanche qétim taqalghan؛ ilham toxtining qanuniy yol bilen dawa qilishi bilen qayta eslige keltürülgen idi.
ulinish:http://www.rfa.org/uyghur/xewerler/qisqa_xewerler/Uyghur-biz-torbeti-03062009034556.html?searchterm=ilham+tohti&encoding=latin

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s