Musteqil tetqiqatchi ilham toxti «ana til qayghusi we qosh tilliq maaripqa telep» namliq teklip layihisini élan qildi

Xitay merkizi milletler uniwérsitétining dotsénti, musteqil tetqiqatchi ilham toxti bügün milletler uniwérsitéti torida özi teripidin hazirlanghan 200din artuq kishi imza qoyghan «ana til qayghusi we qosh tilliq maaripqa telep» namliq teklip layihisini élan qildi.
Muxbirimiz shöhret hoshur
2011-05-23

Layihide uyghur aptonom rayonida yolgha qoyuluwatqan milliy siyaset, jümlidin maarip we til-Yéziq siyasitige qarita 6 türlük chaqiriq we 12 türlük telep otturigha qoyulghan.

Ilham toxti teklip layihiside, nöwette uyghur rayonida yolgha qoyuluwatqan atalmish qosh tilliq maaripning emeliyette xitay tilini asas qilghan yekke tilliq maarip ikenlikini, bu maaripning uyghurlarning tereqqiyatigha tosalghu bolupla qalmastin, xitayning muqimliq weziyitigimu ziyanliq ikenlikini eskertken.

Layihide aldi bilen birleshken döletler teshkilatida 1951‏, 1995 we 1996-Yillarda maqullanghan herqaysi milletlerning öz ana tilini ishlitish we ana til maaripidin behrimen bolush hoquqigha ait ehdinamiler eslep ötülgen.

Layihide yene ana til maaripi eng biwasite ünüm béridighan we milliy mewjudiyetni kapaletke ige qilidighan amil dep körsitilgen bolsa, xitay tili maaripi heqqide mundaq déyilgen «dölet tilining orni jezmleshtürülushi kérek, emma bu herqaysi milletlerning til-Yéziq hoquqigha dexli qilinmighan asasta hem shu milletlerning ana til maaripini tereqqiy qildurushni aldinqi shert qilghan ehwalda yolgha qoyulushi kérek.»

Ilham toxtining mezkur tor muxbirigha bayan qilishiche, bu teklip layihidiki chaqiriq we telepler, tunji qétim ötken yili milletler uniwérsitétining yighin zalida oqutquchi -Oqughuchilar we bir qisim chetel elchixana xadimliri bolup 400din artuq kishi qatnashqan bir qétimliq léksiyide otturigha qoyulghan.

menbe:http://www.rfa.org/uyghur/xewerler/qisqa_xewerler/ilham-tohti-05232011155346.html/story_main?searchterm=ilham+tohti&encoding=latin

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s