Musteqil tetqiqatchi ilham toxti ependining öz yurtigha bérishi cheklendi

Radiomizning “uyghurbiz” toridiki munasiwetlik kishilerdin igilishiche, dairiler musteqil tetqiqatchi ilham toxtining öz yurti atushqa bérishigha yol qoymighan.
Muxbirimiz mihriban
2010-09-30
Radiomiz ziyaritini qobul qilghan bu kishining bildürüshiche, ilham toxti ependi uruq – Tughqanlirini yoqlash meqsitide, 30 – Séntebir öz yurtigha bérish pilan qilghan bolup, bu uyghur aptonom rayoni dairilirining sezgürlükini ashurghan. 

Hökümet dairiliri deslepte, ilham toxtining “uruq – Tughqanlirigha xewer qilmasliq hemde munasiwetlik kishilerning hemrahliqini qobul qilish” sherti bilen uning öz yurtigha bérishigha qoshulghan.

 Emma, melum waqit ötkendin kéyin, ilham toxtining ishlirigha mesul hökümet dairiliri ayropilan béletlirinimu élip bolghan ilham toxti ependige bügün etigen tuyuqsiz uqturush qilip, bu qétimliq tughqan yoqlash telipining ret qilinghanliqini uqturghan.

 Yéqinqi birnechche yildin buyan, ilham toxti ependi “uyghurbiz” tor békitini qurup, uyghurlargha munasiwetlik ehwallar we xitay hökümitining uyghurlargha qaratqan siyasiti heqqidiki teklip pikirliri, tenqidlirinimu bu tor békitide élan qilghan.

 Bultur ürümchide partlighan “5 – Iyul ürümchi weqesi” din kéyin, “uyghurbiz” we “diyarim” qatarliq tor béketliri “qutratquluq qildi” dep eyiblinip taqiwétilgendin kéyin, ilham toxti xitay dölet bixeterlik xadimliri teripidin 1 ay tutup turulghan idi. 

Ilham toxti ependi qoyup bérilgendin kéyin, gerche mektepte normal ders ötüshke ruxset qilinghan bolsimu, nazaret astigha élinip, uning chetellerge chiqishi cheklengen. Ilham toxtining bu yil 5 – Aydiki türkiyide ötküzülgen ilmiy muhakime yighinigha bérishi cheklengen idi.

 

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s