Nur bekridin ilham toxtigha wastiliq jawap (1)

Ikki heptining aldida fransiyide ziyarette bolghan, musteqil tetqiqatchi ilham toxti, uyghurlardiki ishsizliq mesilisining dunya boyiche éghir ikenlikini, bu mesilining uyghur aliy mektep oqughuchiliri؛ hetta, aliy mektepni ela netije bilen püttürgen uyghur yashliri arisidimu mewjutluqini bildürgen idi.

Uyghur aptonum rayonining reisi nur bekri aldinqi küni xitay merkizi xelq radio istansisi uyghur bölümining ziyaritini qobul qilghanda, uyghur aliy mektep oqughuchilirining xizmet tépishi qiyin bolush mesilisining heqiqeten mewjutluqini étirap qilghan. Emma bu mesilidiki hökümetning mesuliyitini tilgha almighan. 

Bu nur bekrining, uyghur aliy mektep oqughuchilirining xizmet tépish qiyinchiliqi mesilisini tunji qétim étirap qilishidur. U bu sözlirini aldinqi küni xitay merkizi xelq radio istansisi uyghur bölümining ziyaritini qobul qilghanda bayan qilghan. Nur bekrining bu étirapi, musteqil tetqiqatchi ilham toxtining uyghur rayonidiki ishsizliq mesilisi heqqide radiyomizda pikir bayan qilghandin 2 hepte kéyinge toghra keldi. 

Nur bekri sözide, uyghur rayonidiki ishsizliq mesilisini tügütüshning birdin – Bir yoli, shinjangni tereqqiy qildurush, shinjangni tereqqiy qildurushning yili bolsa, shinjanggha ichkiridin meblegh yötkesh, yeni shinjangni téximu keng – Kölemde échish. Emma muetexesislerning qarishiche, “shinjang tereqqiy qildi we qiliwatidu؛ emma yerlik xelq bolghan uyghurlar tereqqiyattin behriman bolalmaywatidu, uyghur hayati tereqqiy qilmaywatidu. Mana bu uyghur rayondiki négizlik mesililerning biri. Emma nur bekri mesilining bu teripige ötmigen؛ hetta u sözide uyghur rayonidiki ishsizliq mesilisini, uyghurlardiki ishsizliq mesilisi dep emes, az sanliq millet yashlirining ishsizliq mesilisi dep atighan.

Ilham toxti radiomizda qilghan sözide, nur bekrining aptonomiye qanunini ijra qilalmighanliqini, bu sewebtin, uyghur rayonini échiwatqan karxanilarda uyghurlarning ishqa qobul qilinmighanliqini bayan qilghan idi. Nur bekri merkizi xelq radio istansisigha qilghan sözide bu heqte toxtalghan.

Nöwette amérikida yashawatqan, eyni chaghda shixenze yéza igilik uniwérsitétida 15 yil oqutquchi bolup ishligen, siyasiy közetküchi ilshat hesenjan ependi, ilham toxti we nur bekrining sözlirini sélishturup qarashlirini otturigha qoydi.

Hörmetlik oqurmenler, nur bekri sözining dawamida yene, uyghur aliy mektep oqughuchilirining xizmet tépish qiyinchiliqi mesiliside, yashlarning özidiki we mekteplerdiki sewenlikini tilgha alghan, emma hökümet we siyasettiki sewenlikler üstide toxtalmighan. 

Etiki programimizda, bu heqtiki mulahiziler üstide toxtilimiz.

ulinish:http://www.rfa.org/uyghur/xewerler/tepsili_xewer/nur-bekri-ilham-tohti-03192009055420.html/story_main?searchterm=ilham+tohti&encoding=latin

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s