Nur bekridin ilham toxtigha wastiliq jawap (2)

Uyghur aptonum rayonining reisi nur bekri xitay merkizi xelq radiyo istansisida qilghan sözide, uyghur aliy mektep oqughuchiliring ishsizliq mesilisini étirap qilghan.
Muxbirimiz shöhret hoshur
2009-03-20

Ilham-Nur-Uyg-Ishsizlar-305

Süret, uyghur diyaridiki melum bazarda toplushup turushqan uyghur ishsiz yashliridin bir körünüsh. Xitayning uyghur aptonum rayoni reisi nur bekri we uyghur ziyaliysi ilham toxti yéqinda ayrip halda uyghur yashliridiki ishsizliqlar toghrisida oxshimighan qarashlirini otturigha qoyushqan.

RFA Photo

Emma mesilining sewebliri süpitide mekteplerning oqughuchi qobul qilishta éhtiyajidin ashuriwetkenlikini we uyghur yashlirining ish tallashta telipining yuqiri bolup ketkenlikini körsetken idi. Nur bekrining bu sözlirini weten ichi – Sirtdiki uyghur ziyaliyliri inkar qilmaqta.

Rastinla, mektepler uyghur yashlirini heddidin ziyade yeni éhtiyajdin artuq qobul qiliwatamdu? bu soalgha musteqil tetqiqatchi ilham toxti bilen ötken hepte ötküzgen söhbet xatirimizde jawab tépilghan.

Mesile, uyghur yashlirini aliy mekteplerge éhtiyajdin artuq qobul qilishtimu yaki éhtiyajliq kesiplerge uyghurlarning qobul qilinmasliqidimu? bu soalgha washingitonda yashawatqan siyasiy közetküchi ilshat ependi qarashlirini otturigha qoyidu.

Nur bekri sözide, uyghur aliy mektep oqughuchilirining köpinchisining xizmet tallashta yuqiri telep qoyuwélip barghanliqini otturigha qoyidu. Emma “uyghurbiz” torbétide ötken ayda maqale élan qilghan tungan ziyaliysi fang shinxua, uyghur rayonidiki néfit sahesige oxshighan chong karxanilarda, ashkara halda, az sanliq milletlerdin xizmetchi qobul qilmasliq tüzümini yolgha qoyuwatqanliqini yazghan idi.

Yene radiomizgha qeshqerdin kelgen bir mektupta, qeshqer pidagogika uniwérsitétining, 8 neper oqutquchini xizmettin boshatqanliqini, bularning ishtin boshutulishida uyghur bolushtin bashqa sewebi yoqluqini bildürgen idi.

Siyasiy közetküchi ilshat ependi, bu heqtimu toxtilip ötidu.

Nur bekri rastinla uyghurlarning ehwalini bilmemdu yaki bilip turup tilgha almaywatamdu? musteqil tetqiqatchi ilham toxtining qarishiche, nur bekri uyghurlarni chüshenmeydu we uyghur mesilisige xata diyagnoz qoyuwatidu.

Siyasiy közetküchi ilshat ependining qarishiche, nur bekri mesilining sewebini bilidu, we yoshuriwatidu.

Ilshat ependining qarishiche yene, nur bekrining mesilini uyghur yashlirigha we maarip sahesige ittirip qoyushi weten ichidiki siyasiy sezgürlük sewebidin jiddiy bir shekilde ret qilishqa uchrimidi. Oxshash xataliqlar xitayning bashqa ölkiliride ashkara tenqid qilinmaqta.

Hörmetlik oqurmenler, biz silerge uyghur rayonidiki ishsizliq mesilisi heqqide uyghur aptonum rayonining reisi nur bekri bilen we uyghur ziyalilirining oxshimighan qarashlirini silerning seminglargha salduq.

menbe:http://www.rfa.org/uyghur/xewerler/tepsili_xewer/nur-bekri-ilham-tohti-03212009071039.html/story_main?searchterm=ilham+tohti&encoding=latin

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s