Qeyser abdurusul: xitay intérnettin qorqidu

 

Xitay düshenbe künidin bashlap “yutyub” torini taqidi. Xitay tashqi ishlar bayanatchisi chingang tünügün muxbirlarning bu heqtiki soaligha duch keldi. Chingang jawabida, köpinche kishilerning xitayni intérnettin qorqidu dep qaraydighanliqini, emeliyette bolsa weziyetning uning eksiche ikenlikini bildürdi.

Muxbirimiz shöhret hoshur 
2009-03-25
 
Uyghurbiz-torbet1-305
Béyjingdiki merkizi milletler uniwérsitétining oqutquchisi, musteqil tetqiqatchi ilham toxtining bashqurushidiki ” uyghurlar torda ” namliq tor bétining bash bet körünüshi.
 

Xelqara qelemkeshler jemiyiti uyghur merkizining bash katipi qeyser abdurusul bügün radiomizgha bergen yazma bayanatida, chingangning yuqirqi sözlirini inkar qildi. 

Bayanatchi chingang, xitayda 300 milyon internet qollanghuchisi barliqini we 100 milyon blog échilghanliqini, mana buning xitay hökümitining intérnetke keng quchaq achqanliqini körsitidighanliqini bildürdi. U sözide özining “yutyub” torining taqalghanliqidin xewersiz ikenlikini bildürüsh bilen bille, ziyanliq uchurlardin saqlinish we dölet bixeterliki üchün intérnetning qanun boyiche yaxshi bashqurulushi kéreklikini eskertti.

menbe:http://www.rfa.org/uyghur/xewerler/tepsili_xewer/xitay-we-internet-03262009071416.html/story_main?searchterm=ilham+tohti&encoding=latin
Bash katip qeyser abdurusul uyghurbiz torining taqilishi we musteqil tetqiqatchi ilham toxtigha axbarat cheklimisi qoyulghanliqi munasiwiti bilen radiyomizgha bergen bayanatida, chingang sözlirini ret qildi. U sözide ziyanliq uchurlarni tosushning pütün döletlerde barliqini, emma uning qanun boyiche élip bériliwatqanliqini, emma xitayda bolsa bu ijraatning qanunsiz élip bériliwatqanliqini bildürdi. U bayanatida mundaq yazidu: ” eger xitay intérnetni qanun boyiche bashquriwatqan bolsa, uyghurbiz torbétini taqimighan bolatti. Eger xitayda qanun bolghan bolsa, ilham toxtining yézish we sözlesh erkinliki cheklimige uchrimighan bolatti.” 

Bayanatta yene, uyghur axbaratchi mehbube ableshning intérnettiki yazmisi seweblik tutqun qilinghanliqi, uyghurbiz torining 2 yil ichide 6 qétim taqalghanliqini, weten ichidiki uyghur torbetliride xelq iradisini eks ettürgen maqalilarning izchil halda öchürülidighanliqi qatarliq ehwallar tenqid qilinghan. 

Insaniyetning tereqqiyatigha bösüsh xarektirlik töhpe qoshqan intérnetning, dunyada peqet diktator hakimiyetlernila endishige séliwatqanliqi hemmige ayan réalliqtur. Emma intérnetke qarshi cheklimilerning közlengen netijini bermeydighanliqi we uzun mezgil put tirep turalmaydighanliqi, közetküchiler arisida omumlashqan bir qarashtur. 

Qeyser abdurusul bayanatining axirida mundaq yazidu: “xitay uyghurlarni dunyadin xewersiz qaldurush, dunyani uyghurdin xewersiz qaldurushni, uyghur rayonidiki hakimiyitini qoghdashta eneniwi tedbir süpitide qollinip keldi. Intérnettin ibaret bu zamaniwiy téxnika, xitayning bu tedbirini bitchit qilish aldida turmaqta. Shunga xitay intérnettin qorqidu.”

Qeyser abdurusul bayanatining axirida, xitayning uyghur qelemkeshlirini qorqutush yoli bilen heqni sözleshtin waz kechtürelmeydighanliqini, buni tarix ispatlighanliqini eskertti. Bu heqte ilham toxtimu qarashlirini otturigha qoyghan idi. 

Hörmetlik oqurmenler, yuqirida biz silerge, xelqara qelemkeshler jemiyiti uyghur merkizining bash katipi qeyser abdurusulning, musteqil tetqiqatchi ilham toxtining nezerbent astigha élinghanliqi munasiwiti bilen radiomizgha bergen yazma bayanati heqqide melumat berduq.

发表评论

Fill in your details below or click an icon to log in:

WordPress.com Logo

You are commenting using your WordPress.com account. Log Out / 更改 )

Twitter picture

You are commenting using your Twitter account. Log Out / 更改 )

Facebook photo

You are commenting using your Facebook account. Log Out / 更改 )

Google+ photo

You are commenting using your Google+ account. Log Out / 更改 )

Connecting to %s